Viðtøkur fyri Felagið fyri Hoyribrekað í Føroyum

§1
Navn felagsins er "Felagið fyri hoyribrekað í Føroyum", stytt FHF, og heimstaður felagsins er Tórshavn.


§2
Endamál felagsins er:
- við fyribyrgjandi tiltøkum í breiðastu merking at arbeiða fyri at varðveita hoyrnina

- at arbeiða fyri at tær dagligu umstøðurnar hjá hoyribrekaðum vera so góðar sum gjørligt

- at upplýsa samfelagið um trupulleikarnar hjá hoyribrekaðum við atliti til at betra hoyriumstøðurnar

- og at stuðla læknavísindini í hennara fyribyrgjandi og lekjandi arbeiði.


§3
Limir kunnu gerast einstaklingar, feløg og stovnar.


§4
Aðalfundurin er hægsti myndugleiki felagsins. Um lógarbroyting, ella aðalfundur fyrst í árinum, og skal lýsast í einum føroyskum blaði í seinasta lagi 14 dagar frammanundan, og limirnir fáa skrivliga fráboðan. Aðalfundurin er altíð viðtøkuførur, og allar avgerðir verða tiknar við vanligum meirluta av greiddum atkvøðum.

Tann fasta dagsskráin til ársaðalfundin er henda:

1. Val av fundarstjóra
2. Ársfrágreiðing frá nevndini um farna árið
3. Framløga av grannskoðaðum roknskapi til góðkenningar
4. Innkomin mál og mál frá nevndini
5. Val av nevndarlimi og eykalimi
6. Val av grannskoðara
7. Ásetan av limagjaldi
8. Ymiskt

Limir, sum ynskja mál viðgjørt á ársaðalfundinum, skulu senda nevndini skrivliga fráboðan um hetta. Fráboðanin skal vera nevndini í hendi í seinasta lagi 7 dagar fyri aðalfundin.

Eykaaðalfundur verður hildin, tá meirlutin av nevndarlimunum ella 1/4 av limum felagsins ynskja tað. Eykaaðalfundur verður lýstur eftir somu reglum sum ársaðalfundurin. Heldur ein meirluti av nevndini, at málið, sum eykaaðalfundur skal vera um, er so átroðkandi, at óráðiligt er at bíða, kann eykaaðalfundur haldast, tá hann er lýstur í Útvarpi Føroya og/ella Sjónvarpi Føroya í seinasta lagi 48 tímar frammanundan.


§6
Felagið verður stjórnað av eini nevnd við trimum limum, sum sjálv velur formann, skrivara og kassameistara sínamillum. Nevndin heldur fund, tá hon sjálv vil, ella tá ein nevndarlimur krevur tað. Formaðurin kallar inn til nevndarfundar við rímiligari freist. Skrivarin er eisini næstformaður og virkar sum formaður, tá formanninum berst frá. Nevndarlimirnir sita 3 ár. Ein nevndarlimur stendur fyri vali hvørja ferð. Í teirri fyrstu nevndini situr tó bert formaðurin í 3 ár - skrivarin situr í 2 ár og kassameistarin í eitt ár.

Á hvørjum aðalfundi verður valdur ein tiltakslimur, sum hevur rætt at møta á øllum nevndarfundunum, og sum skal hava fundarfráboðan á sama hátt, sum nevndarlimirnir. Tiltakslimurin hevur talurætt á nevndarfundi, men ikki atkvøðurætt. Fer nevndarlimur frá í ótíð, tekur tiltakslimurin sæti í nevndini fyri hann.

Nevndin er bert viðtøkufør, tá allir nevndarlimirnir eru á fundi. Allar avgerðir á nevndarfundi verða tiknar við vanligum meirluta.

Formaðurin og kassameistarin saman tekna felagið úteftir. Keyp, søla ella veðseting av fastari ogn og skuldarbinding av felagnum upp um 20.000 kr. krevur aðalfundarsamtykt.


§7
Roknskaparár felagsins er álmanakkaárið. Kassameistarin letur í seinasta lagi ein mánað undan aðalfundinum grannskoðaranum roknskap til grannskoðan.


§8
Til avtøku av felagnum krevst samtykt á tveimum fylgjandi aðalfundum.

Verður felagið avtikið, falla ognir tess til Meginfelag teirra Brekaðu í Føroyum, MBF.

Soleiðis samtykt á stovandi aðalfundi 11. juli 1992.
Hans Trúgvi Henriksen, fundarstjóri

Við broytingum samtyktum á aðalfundi 28. apríl 1995.
Torkil Hansen, fundarstjóri